Kumpulan Puisi Mandar Terbaik : Kalinda'da'

KALINDA’DA’

Oleh : Rusman Raymanda

Sossorangna Neneta’ diolo’ duapa,

Me’abakka’ di atena budaya,

Lambi’mi teppona dite’e,

Ta’laloi naluppei pussu’ aturunatta’.

            Iyamo kalinda’da’ Mandar,

            Nanielo-elong dilalanna sayang-sayang,

            Naniala patudzu kedzo kadzae’,

            Nanitedze-tedze mappatumbur cinna,

            Nanipakei mappasannang nyawa,

            Nipa’uppian illalanna panginoang.

Sumangi’mi pambawanna sossorang,

Natokko laengi kalinda’da’ to dzite’e,

Marrusa’ nyawa hakeka’ mala’binna,

Namappasalapau menjadzi kadzae’.

            O… luluare’u iyanasanna,

            Sallang salama’ todzi nisukku’I,

            Dianna budaya pole di Neneta’,

            Dawappa tia nappu’nai tau laeng,

            Patuoi sigha membali’ kalinda’da’ta’,

            Anna mapiai tama di ateta’,

            ‘Ala barakka’I dzini di Lita’ta’.

Rangas TamMalassu-Majene, 12 Januari 2014