ITOTALLELE
(Yang Pantang Surut)
Buat
Mahaputra : Prof. DR. H. Baharuddin Lopa, SH.
(Tomatindo di Kalibata)
Naposoei
soena,
Naposeppa’i
seppa’na,
Napokedzoi
kedzona,
Itarrare di
allo,
Totammatindo
di bongi,
Mappikkirri
rannunna pa’banua.
Iyamo dighallar disanga,
Pappang tarra’bana Pambusuang,
Ayu tassape’na Balanipa,
Tuppuang bassinna to Mandar,
Randang tambottunna Sulawesi,
Sapparaya tarrarana Indonesia.
Mua’ purami
napau,
Pura tomi
napalandang,
Napemaliangi
nali’ai,
Mau
natisollor doe,
Nasisullina
mata gayang,
Tisembe’
kondo bulo.
Tenna’ topa nasiapi’ lita’ anna’ bulang,
Tisamba’ lembong sallolo’anjoro,
Tale nalelei sejari,
Dotai silakka’ ulu anna’ salakkana,
Dadzi namarrusa’ allewuang.
Mau nalimbang
nyawa,
Tale
nalalla’i pura loa,
Disesena
atongang,
Namappatumballe’
lita’ pembolongatta’.
Karya : H. Ahmad Asdy
(Yayasan Mahaputra Mandar)
Tidak ada komentar:
Posting Komentar